Diqqət: Platforma hələ tam aktiv deyil. Yanlış əməliyyatların qarşısını almaq üçün qeydiyyat, ödəniş və auksion funksiyaları mərhələli şəkildə açılır. Zəhmət olmasa hələ ödəniş etməyin — EkoMobil tezliklə tam istifadəyə veriləcək. Yeniliklər üçün Qiymətlər və Şərtlər səhifələrini izləyin.

EkoMobil loqosu

Hüquqi məlumat və fırıldaqçılıqla mübarizə

EkoMobil alqı-satqının tərəfi deyil; lakin qanuna uyğun qaydada fırıldaqçılıq hallarına qarşı texniki və hüquqi tədbirlər görür.

Platformanın rolu

EkoMobil istifadəçilərə elan yerləşdirmək və bir-biri ilə əlaqə saxlamaq üçün texniki platforma verir. Avtomobilin və ya hissənin faktiki vəziyyəti, mülkiyyət hüququ, gizli qüsurlar və yekun alış qərarı satıcı ilə alıcı arasındadır. Platforma bu münasibətlərin tərəfi deyil və heç bir zəmanət vermir.

Fırıldaqçılıq və saxta elanlara qarşı tədbirlər

  • Telefon təsdiqi, elan dublikat yoxlaması, media və VIN siqnalları
  • İstifadəçi şikayətləri və admin insident idarəetməsi
  • Hesab dayandırma, elan silmə və daimi ban sanksiyaları
  • Texniki fəaliyyət jurnalı (IP hash, cihaz izi, əməliyyat tarixçəsi)
  • Qeydiyyat zamanı razılaşma qəbulunun server tərəfində qeydiyyatı

Hüquq-mühafizə orqanları ilə əməkdaşlıq

Qanuni tələb, məhkəmə qərarı, rəsmi araşdırma sorğusu və ya fövqəladə təhlükəsizlik halında EkoMobil müvafiq qanunvericiliyə uyğun olaraq istifadəçi məlumatlarını təqdim edə bilər. Bu məlumatlara daxil ola bilər:

  • Qeydiyyat məlumatları (ad, email, telefon, şəhər)
  • Elan və auksion tarixçəsi
  • Şikayət və insident qeydləri
  • Texniki loglar (IP hash, sessiya izi, fəaliyyət jurnalı)
  • Ödəniş və komisyon qeydləri (bank kart məlumatları saxlanmır)
  • KYC məlumatları (təsdiq prosesindən keçmiş istifadəçilər üçün)

Rəsmi sorğular yalnız səlahiyyətli orqanlar tərəfindən, rəsmi sənəd və ya qanuni əsasla daxil edilməlidir.

Şikayət və yalan şikayət qaydası

  1. Şikayət edən iddiasını sübutla (foto, sənəd, yazışma, yoxlama nəticəsi) təqdim etməlidir və yalan şikayətə görə məsuliyyət daşıdığını qəbul edir.
  2. Şikayət olunan (satıcı) haqlı olduğunu iddia edirsə, 7 gün ərzində müdafiə sübutu təqdim edə bilər.
  3. Platforma hər iki tərəfin sübutunu yoxlayır və insident qeydi aparır.
  4. Müdafiə sübutu verilməsə, şikayət qanuni qaydada hüquq-mühafizə orqanlarına ötürülə bilər.
  5. Sübutu olmayan və ya qəsdən yalan şikayət aşkar edilərsə, şikayət edən barədə intizam tədbirləri tətbiq oluna bilər.

Rəsmi sorğu necə göndərilir?

  1. Orqanın rəsmi adı, sorğu nömrəsi və qanuni əsas göstərilməlidir
  2. Subyekt (istifadəçi ID, elan ID, telefon və ya email) dəqiq göstərilməlidir
  3. Tələb olunan məlumatın həcmi və cavab müddəti qeyd edilməlidir
  4. Sorğu rəsmi kanallarla (möhürlü sənəd, rəsmi email) təqdim edilməlidir

Ümumi istifadəçi şikayətləri üçün etibar mərkəzi, hüquqi müraciətlər üçün isə Hüquqi müraciət istifadə edin.

Əlaqəli sənədlər